Mevlid nebevi

Millet. – 1917. – № 126. – Dekabr 11.

Bugün bütün millet-i islâmiye için pek büyük, pek mübeccel bir bayramdır, çünki bugün daha doğrısı bugünniñ gicesi bu ümit-i naciyeniñ bişvası, ulu rehberi ve bunıñle beraber bütün beşeriyetin medar-ı iftiharı olan zat-aliyniñ mühder arayı alim vücüd olduğı, doğdığı kündir. Evet! Bugün pek büyük ve muqaddes bir kündir. Çünki çehalet, dalâlet ve vahşet girdablarında çalqanan beşeriyet üzerinde bugün tevhid nurı ve ilm-irfan ve medeniyet küneşi doğmış ve alim insaniyeti düşmiş oldığı verta-ı helâkdan sahil-i selâmet ve necata çıqarmışdır.

Hal böyle iken, biz qırımlılar, maalteessüf bugüniñ ehemmiyetini taqdir idemeyerek, yaqın bir zamana qadar duymayub keçiyurdık. Reğaib, berat, aşura kibi eyyam-ı mübarekeyi (o da yalıñız qıyğaça pişürmekle) istiqbal itdigimiz halda mevlüd nebevi yevm-i muqaddes ve mübeccelni ekseriya ğaflet ile keçirdik. Bilakiz bir-iki şeherde isneyin mevlidi, – diyerek mevlüd oqutan bazı eshab-ı diyanet istisna idilince ekser ehaliniñ bu küniñ kelmesinden haberi bile olmazdı.

Hristianların mevlid hazret İsaya, Museviylerin kendi peyğamberleri mevlidine ne derece büyük itibar ve ihtiram kösterdikleri, ne qadar mutantan bayramlar yapdıqları düşünilürse bizim bu lâqaydlığımıza utanmamaq elden kelmez. Bereket virsun ki, bir qaç seneden beri gençlerimizin hemmiyetiyle mevlid nebevi ruz-i muqaddesine lâzim derecede ehemmiyet virilmeye başladı. Şimdiden soñra kitdikçe milletimiz arasında mevlid nebevi bayramına hürmet ve itibar artacağına ümidimiz qaviydir. Artıq bütün müsliman qardaşlarımıza bu yevm-i mübareki tebrik ider ve kelecek mevlid bayramlarını bir qaç seneden beri oldığı kibi qanlar, felâketler içinde degil, muhabbet ve saadetler içinde icra idilmesini Allahdan dilerim.