Къырымтатар
тилинде тасильнинъ юзйылларджа тарихи
беллидир. Диний окъувнынъ программасына
ана тили дерслери кирсетильгени бунъа
эсас делиль оларакъ корюнмекте. Мухаммед
пейгъамбернинъ (с.а.в.) сахабелеринден
мешхур Къырым къараманы Гъазы Мансур
милядийдже та VII-нджи асырда сафдашлары
иле берабер дин савашында шеит олып
шимдики Багъчасарай дживарында комюльди
ве дюрбесининъ къалымтылары шимди де
о ерде булунмакъта. Яни VII-нджи асырдан
башлап шекилленген мусульман дини бир
къач вакъыттан баягъы яйрап, артыкъ
Къырымнынъ да бир чокъ кошелеринде эсас
мезхэп оларакъ къабул этильгендир.
Шунынъ
ичюн мусульманджа диний тасиль Къырымда
пек эскиден башлагъаны акъкъында
эминликнен сёз юрютмек мумкюн. Бара-бара
артыкъ буюк джами ве медреселер
къурулмагъа башланды. Бугуньде топлангъан
ильмий малюматларгъа коре, 1222 сенеси
Хан Чобан тарафындан Судакъта джами
къурулып медресесинде дерслер алынып
барылды. Эски Къырым шеэринде Бей Хаджы
Умернинъ джами ве медресеси 1262, Бейбарс
джами ве медресеси 1280, Хан Узбек джами
ве медресеси 1314, Инджи Бей Хатун джами
ве медресеси 1332 ве Багъчасарайдаки
«Зынджырлы» медресе 1500 сенеси къурулып
чалышкъан ве бу ерлердеки тасиль
программасына чешит ичтимаий ве табий
фенлер кирсетильгендир. Джемаат арасында
ваазлар ве сухбетлер кечирмек ичюн
«Теккие», «Завие», «Дар-уль-Курра»,
«Дар-уль-Хадис», «Дар-уль-Хуффаз» киби
окъув юртларында къырымтатарджагъа да
айрыджа эмиет бериле эди. Тарихчи
Фаналенинъ хаберине коре, «Зынджырлы»нынъ
къуруджысы Менъли Гирай Кефеде тербие
алыркен, эски тиллер, фельсефе, риязият
(математика), тарих, хукъукъ (право),
дженк фенлери, тыб (медицина), эдебият
ве музыка огренди 1. Ве Менъли
Гирайнынъ кендиси 1500 сенеси август
15-те «Зынджырлы»ны ачаркен, нуткъунда
айрыджа дюньявий фенлер кечиледжегини
анълата. О бойле дей: «Медресемде
иктисаб-ы- улюм-ы- ухревие (ахирет иле
багъы илимлер эдинильмеси – И.К.) ве
дюньевиеде болгъан туллабнынъ
(талебелернинъ – И.К.) субх-ю-меса (сабах
ве акъшам – И.К.) меним асый (раатсыз –
И.К.) рухум ичюн дуа этеджеклерини
тефеккюр бирле сюрюрим (севинчим –
И.К.) издияд эте (арта – И.К.). Медресемнинъ
улюм-и-диние, суфие ве ухревие ки, махсус
болдыгъы мисллю (киби – И.К.) мубарек
мемлекетимизнинъ месалих-и-аммесининъ
(умум ишлерининъ) хакъкъы бирле болмасы
ичюн улюм-и-дюньевиенинъ (дюньявий
илимлернинъ – И.К.) дахи тахсиль этилюви
макъсудым (истегим – И.К.) болды» 2.
Къырымтатарджанынъ
энъ эски лугъатларындан сайылгъан
«Кодекс куманикус» (1294-95 сс. Солхат
шеэринде яратылгъандыр) ве Асираддин
Абу-Хаяннынъ (яшагъан йыллары: 1265 - 1344)
«Ад-дуррат аль мадия фил-лугъати
ат-тюркия» ве «Китаб-аль идрак ли-лисан
аль атрак»и бугуньде тюркология илиминде
беллидирлер. Абу-Хаяннынъ биринджи
лугъаты Кефеде лакъырды этильген
къырымджагъа багъышлангъан. Экинджиси
де къырымтатар тилининъ хусусиетлерине
даир олып, 1931 сенеси Истанбулда нешир
этильгендир. Бу лугъатларнынъ эльязмалары
XIV-нджи асырнынъ башына аит 3. Бу
ве бойле лугъатларда ве бир чокъ дигер
язылы менбаларда къырымтатар тилининъ
табий фенлер боюнджа терминологиясы
да акс этильген ве ишленилип кельгендир.
Ама
Русие империясы Къырымны запт эткен
сонъ, эр шей аксине дёнмеге башлады.
Медресе ве мектеплерде къырымтатарджа
дюньявий фенлерни кечмек ясакъ этильди.
Бу фенлерни огренеджеклер, рус тилли
мектеплерге кирмек меджбуриетинде
къалдырыла эдилер. Яни Русие империясы
миллий цивилизацион ёнелишни суний
суретте гъайып этмеге ымтылды. Шунынъ
ичюн 1783-тен 1883 сенесинедже олгъан
юзйыллыкъ девирге илимимизде «къара
асыр», «къара девир» киби терминлер
къулланылмакъта.
Янъыдан
джанланма деври И. Гаспринскийнинъ 1883
сенесинден чыкъкъан «Терджиман» газетасы
ве шахсий матбаасы иле багълыдыр.
1883-тен
башлап XIX-нджы асырнынъ сонъу ве XX-нджи
асырнынъ башында ялынъыз газета дегиль,
«Терджиман» матбаасында юзлердже
китаплар басылып шуларнынъ арасында
табий фенлер боюнджа сойлары да чокъ
эди. Табакъат-уль-арз (геология), риязият
(математика), беден-и-инсан (анатомия),
джогърафия (география), хэндесе (геометрия)
ве дигер фенлерден китаплар уйдурма
терминология узеринде дегиль де,
бинъйылларджа сайлангъан, ишленген,
дургъунлашкъан терминлер узеринде
язылгъандыр. «Терджиман»нынъ кендисинде
ве о девирде нешир этильген «Алем-и-нисван»,
«Алем-и-субьян» дергилеринде ве «Ветан
хадими» газетасында табий фенлер иле
багълы юзлердже макъале ве малюматлар
нешир этильди.
Булардан
гъайры, табий фенлер боюнджа рус тилинден
къырымджагъа чеврильген кене де онлар
ве юзлердже китаплар басылды. Бу
неширлерде къулланылгъан терминологиянынъ
мукеммеллигини муэллифлер ве
терджимеджилернинъ илим дереджеси ве
авторитетлери иле де багълыдыр. Меселя,
1920-нджи сенелери тыб (медицина) боюнджа
эдебиятнынъ эсас къысмы С.Х. Чапчакъчы
ве Б. Мухитдин тарафындан языла, базан
чевриле ве тешкериле эди. Буларнынъ эр
экиси де медицина институтыны битирдилер.
Риязият фенинден китаплар – А. Ариф, А.
Алиев, Я. Аблямит, У. Сами, Ибраимов, К.
Муратов, И. Къарлы, Н. Мемишев, физика
ильми боюнджа – Р. Багъчеван, А. Куркчи,
О. Зейнединова, Аббас Ильмий, А. Алиев,
биология ильми – А. Бахтишаев, О.
Зейтуллаев, химия – А. Мамбетов, А. Шумин,
табиатшнаслыкъ боюнджа – Мемет
Абдулла(ев), А. Рашид, кой ишлери – Я.
Керимов, байтарлыкъ (ветеринария) – Х.
Аджы-Вели ве дигерлери тарафындан
азырландылар. Булардан гъайры, бир де
бир фен къырымтатарджагъа чеврильген
сонъ, терджимелерни дикъкъатнен тешкермек
ичюн махсус месулиет ташыгъан даа бир
мутехассыскъа юклене эди. Яни терджимеджилик
ве терминология ишлетме меселелерине
джиддий дикъкъат айрыла эди.
Языкъ
ки, 1930-нджы сенелерининъ орталарында
кене де советлернинъ шовинистик сиясети
нетиджесинде къырымтатарджада
къулланылгъан бир чокъ термин ве атта
адий сёзлер суний суретте русчада
къулланылгъан сёзлер иле денъиштирильмеге
башланды. Мюэссесе – «учреждение» олды,
реис – «председатель», медениет –
«культура», топланты, топлашув –
«заседание», дахий – «вождь» ве иляхри.
Ве о заманда нешир этильген бир сыра
терминологик лугъатлар ишбу «хасталыкънынъ»
темсилидир.
Бугуньде
миллий мектеплеримиз ичюн табий фенлер
боюнджа дерслик ве къулланмалар азырланыр
ве яхут терджиме этилиркен, мытлакъ
дженктен эвельки илим теджрибесине
эсасланмалы. Чюнки бугуньде базы
оджаларымыз тарафындан терминология
уйдурмакъ меселесинде бир чокъ алларда
ялынъыз файдасы ёкъ дегиль де, атта буюк
зарары да бардыр. Чюнки бу шейлер бизим
тиль ве медений тарихимизни бозып,
илимимизге къалабалыкъ кирсетмектелер.
Бу
макъалемизге къошма оларакъ урьметли
оджа ве алимлеримиз файдаланмалары
ичюн тарафымыздан тизильген джедвель
беремиз. Бу джедвель XIX-нджы асырнынъ
сонъундан башлап 1930-40-нджы сенелирине
къадар табий фенлер боюнджа нешир
этильген базы китапларны къаврап
алмакъта. Яни арап уруфатыны бильмегенлер
– латин уруфатлы ве латин языларында
къыйналгъанлар кирил уруфатында
басылгъан китаплардан файдаланмакъ
мумкюнатыны булур. Акъылда тутмалы ки,
араб уруфаты къырымтатарджада 1928-29
сенелеринедже, латин уруфаты 1938 сенесининъ
язына къадар ве бундан сонъ бутюн
неширлер кирил язысына кечирильгендир.
Ишбу
джедвель чокъусы Украинадан тыш олгъан
бир сыра буюк кутюпханелерининъ
фондларындан файдаланылып япылды.
Муэллифлер ве китапларнынъ адлары,
нешир этильген сенелери ве аджимлери
белли олгъанда, оларнынъ копияларыны
сымарламакъ меселеси енгиллеше. Бугуньде
И. Гаспринский адына миллий кутюпханемизде
де бойле китапларнынъ белли бир
микъдарыны корьмек мумкюн. Джедвельдеки
китапларгъа, чаре булундыкъча, къыскъа
изаатлар да беремиз. Хронология сырасы
иле тиздик:
Гаспринский
И. Русие джогърафиясы. [География
России].- Багъчасарай: Матбаа-и-«Терджиман».-
1885.
Гаспринский
И. Холера вебасы ве оны дева ве дарысы.
[Болезнь холеры и методы ее излечения].-
Багъчасарай: Матбаа-и-«Терджиман».-
1887.
Гаспринский
И. Джихан-наме. (Ве джогърафиягъа аит
меселелер). Бунъа къошуладжакъ хариталар
илериде айрыджа ёлланаджакътыр.-
Багъчасарай: Матбаа-и-«Терджиман».-
1889.- 14 с.
Гаспринский
И. Хазине-и-ахбар. [Вестник сокровищ].
1-нджи джылт.- Багъчасарай:
Матбаа-и-«Терджиман».- 1890.- 120 с.
Гаспринский
И. Хазине-и-ахбар. [Вестник сокровищ].
2-нджи джылт.- Багъчасарай:
Матбаа-и-«Терджиман».- 1890.- 121 – 240 с.
Гаспринский
И. Мухтасар табакъат уль-арз. [Краткий
курс геологии].- Багъчасарай:
Матбаа-и-«Терджиман».- 1894.- 10 с.
Гаспринский
И. Куре-и-арзын сурет тешкили.
[Образование Земли].- Багъчасарай:
Матбаа-и-«Терджиман».- 1897.- 56 с.
Гаспринский
И. Хэсап мухтасар. Амель хамсе ве
месаил-и-хэсабие. [Краткий курс математики.
Пять задач и методы их решения].-
Багъчасарай: Матбаа-и-«Терджиман».-
1897.- 46 с.
Шемседдин
Сами. Ер. Фенний рисале. [Земля. Научное
издание].- Багъчасарай: Матбаа-и-«Терджиман».-
1897.
Гаспринский
И. Мухтасар ильм-и-хэсап. [Краткий курс
математики].- Багъчасарай: «Терджиман»
газетеси таш ве хуруфат басмаханесинде
басылмыштыр.- 1898.- 46 с.
Гаспринский
И. Атласлы джогърафия.
Мухаррир-и-хавадиснаме-и-«Терджиман»
И. Гаспринскийнинъ тертиби. 2-нджи дефа
нешир олуныюр.- Багъчасарай:
Матбаа-и-«Терджиман».- 1901.- 20 с.
Гаспринский
И. Беден-и-инсан. Ресимли нешир.
[Анатомия человека].- Багъчасарай:
Матбаа-и-«Терджиман».- 1901.- 15 с.
Гаспринский
И. Насихат-ы-тыббие. [Наставления по
медицине].- Багъчасарай: Матбаа-и-«Терджиман».-
1901.- 21 с.
Гаспринский
И. Тасхих-и-акъаидден. [Правила
сохранения здоровья].- Багъчасарай:
Матбаа-и-«Терджиман».- 1901.
Боткин
Я. Таун маразы ве ондан насыл мухафаза
олунмалыдыр. [Чума и как сберечься от
нее].- Багъчасарай: Матбаа-и-«Терджиман».-
1902.- 16 с.
Гаспринский
И. Малюмат-ы-нафиа. [Полезные знания].-
Багъчасарай: Матбаа-и-«Терджиман».-
1902.- 24 с.
Гаспринский
И. Фрэнк маразы ве усул-и-мухафаза.
[Сифилис и пути предохранения от нее].-
Багъчасарай: Матбаа-и-«Терджиман».- 1906
(?).
Гаспринский
И. Небатат ве хайванат-ы-мешхуре.
[Популярные растения и животные].-
Багъчасарай: Матбаа-и-«Терджиман».- 1907
(?).
Гаспринский
И. Ильм-и-хэсап. [Математика].- Багъчасарай:
Матбаа-и-«Терджиман».- 1911.- 35 с.
Будович.
Хэсап меселелери меджмуасы. [Сборник
задач по математике]. (Мютерджими: Умер
Сами).- Акъмесджит.- 1912.- 170 с.
Куркчи
А. Къолай хэсап. [Математика].- Акъмесджит:
Къырым Хукюмет нешрияты.- 1922.- 21 с.
Къарлы
И. Риязият. [Математика].- Акъмесджит:
Къырым Маариф Комиссарлыгъы нешри.-
1923.- 119 с.
Къарлы
И. Енъи хэндесе. [Новая геометрия].-
Акъмесджит: Къырым Маариф Комиссарлыгъы
нешри.- 1923.- 100 с.
Куркчи
А. Хэсап дерслери. [Математика]. 5-нджи
сыныфлар ичюн.- Акъмесджит: Къырым Девлет
нешрияты.- 1929.- 72 с.
Абдулла
М. Табиат дерслери. [Природоведение]
Китап 1. (Ресимлер иле).- Акъмесджит:
Къырым Шуралар Джумхуриети Маариф
Комиссарлыгъы нешри.- 1923.- 144 с.
А.К.
Биринджи басамакъ мектеплеринде риязият.
[Математика].- Акъмесджит: Къырым Академия
Шурасы нешри.- 1924.- 40 с.
Мухитдинов
Н. Риязият. [Математика]. 2 – 3 сыныфлар
ичюн. Ресимли нешир.- Акъмесджит: Къырым
Хукюмет нешрияты.- 1924.- 251 с.
Абдулла
М. Небатат дерслеринде усул-и-тедрис
хакъкъында. Фенний кезинтилер ве
лаборатория ишлери. Мектеп оджаларына
табиат дерслери ичюн. [Методические
указания к преподаванию природоведения].
1-нджи басылышы. Ресимли нешир.- Акъмесджит:
Къырым Хукюмет нешрияты.- 1925.- 86 с.
Байрашевский
У. Мектеп хифз-и-сиххаси. [Школьная
гигиена].- Акъмесджит: Къырым Девлет
нешрияты.- 1925.- 85 с.
Щепетов.
Хайванларын ичли олмалары ве догъурув
нетиджесинде хасыл олгъан хасталыкълар
хакъкъында не бильмек керек. [Что надо
знать о беременности и послеродовых
заболеваниях животных]. (Мютерджими: Х.
Аджы-Вели).- Акъмесджит: Къырым Хукюмет
нешрияты.- 1925.- 23 с.
Горбань
С.Е. Мильдью – юзюмин техлюкели
хасталыгъы ве онынъ иле куреш. [Мильдью
– опасная болезнь винограда и борьба
с ней]. (Мютерджими: Я. Керимов).- Акъмесджит:
Къырым Хукюмет нешрияты.- 1925.
Дмитриевский
А. Небатат анкети. [Анкета растений].
(Мютерджими: Сюкютий) .- Акъмесджит:
Къырым Хукюмет нешрияты.- 1925.- 32 с.
Инсанлар
хавайы насыл фетх иттилер. [Как люди
завоевали воздух]. Китап 2. Къырым хава
флоту достлары джемиетининъ койлю
кутюпханесинден.- Акъмесджит: Къырым
хава флоту достлары джемиети нешри.-
1925.- 16 с.
Медведев
М. Хайванлары насыл бакъмакъ, къулланмакъ
ве беслемек керек. [Уход за животными,
их содержание и правильное кормление].
(Мютерджими: Х. Аджы-Вели).- Акъмесджит:
Къырым Хукюмет нешрияты.- 1925.- 23 с.
Медведев
М. Хайван хасталыкълары. [Болезни
животных]. (Мютерджими: Х. Аджы-Вели).-
Акъмесджит: Къырым Хукюмет нешрияты.-
1925.- 24 с.
Рашид
А. Табиат бильгиси. [Природоведение].
Инсан ве хайванлар. Икинджи басамакъ
мектеплери ичюн ресимли дерслик.-
Акъмесджит: Къырым хукюмет нешрияты.-
1925.- 178 с.
Цвиленев
А., Медведев М. Хайванларда манъкъа
ве къурчангъу (къашынма) хасталыкълары.
[Сап и чесотка у скота]. (Мютерджими: Х.
Аджы-Вели).- Акъмесджит: Къырым Девлет
нешрияты.- 1925.- 16 с.
Рашид
А. Ер бильгиси. Ильм-у-табиат-уль-арз.
[Геология].- Багъчасарай: Къырым Халкъ
Маариф Комиссарлыгъы нешри.- 1926.- 182 с.
Горбань
С.Е. Помидорда хасталыкъ ве онынъле
куреш чарелери. [Болезнь помидор и борьба
с ней]. (Мютерджими: Я. Керимов).- Багъчасарай:
Санайы нефисе техникумынынъ басмаханеси.-
1926.
Абдулла
М. Табиат дерслери. Китап 2. Джанлы
табиат. Небататлар. [Растения].- Акъмесджит:
Къырым Хукюмет нешрияты.- 1926.- 141 с.
Абдулла
М. Табиат дерслери. Джансыз табиат:
Хава, Сув, Ер. [Уроки природоведения.
Неживая природа: Воздух, Вода, Земля].
Ресимли нешир.- Акъмесджит: Къырым Девлет
нешрияты.- 1926.- 178 с.
Акимов
А. Койлю элифбасы. [«Букварь» крестьянина
по сельскому хозяйству].- Акъмесджит:
Къырым Девлет нешрияты.- 1926.
Алексеенко
Н. Къарачыкъ кюе. [Зона или головня. О
вредителях растений]. Койлю кутюпханеси.
Ресимли нешир.- Акъмесджит: Къырым
Хукюмет нешрияты.- 1926.- 40 с.
Алексеенко
Н. Джумран ве онынъле куреш чарелери.
[Суслики и меры борьбы с ними]. (Мютерджими:
Я. Керимов).- Багъчасарай: Санайи нефисе
техникумы матбаасы.- 1926.
Алексеенко
Н. Чёль сычанлары ве онлар иле куреш
чарелери. [Полевые мыши и борьба с ними].
(Мютерджими: Я. Керимов).- Багъчасарай:
Санайи нефисе техникумы матбаасы.- 1926.
Чапчакъчы
С.Х. Сытма маразы. [Малярия].- Акъмесджит:
Къырым Девлет нешрияты.- 1926.- 23 с.
Чапчакъчы
С.Х. Тенасюль азалары хасталыкълары.
Зюхревий хасталыкълар. [Болезнь половых
органов. Венерические болезни].-
Акъмесджит: Къырым Девлет нешрияты.-
1926.- 44 с.
Тютюннинъ
«Америка» джынсы. [Сорт табака
«Америка»].- Акъмесджит: 1-нджи Девлет
типо-литографиясы «Къырым Полиграф
Трест».- 1926.- 16 с.
Засядко.
Койлю трактор хакъкъында не бильмек
керек. [Что должен знать крестьянин о
тракторе]. (Мютерджими: Умер Ипчи).-
Акъмесджит: Къырым Хукюмет нешрияты.-
1926.- 45 с.
Засядко.
Койлю небататларын яшайышы хакъкъында
не бильмек керек. [Что должен знать
крестьянин о жизни растений].- Акъмесджит:
Къырым Девлет нешрияты.- 1926.- 19 с.
Засядко.
Топрагъы насыл ишлемели. [Как обрабатывать
землю].- Акъмесджит: Къырым Девлет
нешрияты.- 1926.- 47 с.
Казанский
А.Н. Юзюм чубукъларында олан куф
хасталыгъы ве оны тедавий итмек чарелери.
[Пепелица или оидиум – болезнь виноградной
лозы и способы ее лечения].- Акъмесджит:
1-нджи Девлет типо-литографиясы «Къырым
Полиграф Трест».- 1926.- 6 с.
Озенбашлы
А. Къырымын табий зенгинликлери.
[Естественные богатства Крыма].-
Акъмесджит: Къырым Хукюмет нешрияты.-
1926.- 32 с.
Ачкинази
Э. Койлю бостаны. [Крестьянский
огород].- Акъмесджит: Къырым Девлет
нешрияты.- 1927.- 43 с.
Беляев
Н. Къырымда тютюн асрав усуллары.
[Способы выращивания табака в Крыму].
(Мютерджими: А. Куркчи).- Акъмесджит:
Къырым Девлет нешрияты.- 1927.- 70 с.
Белопухов
К. Къырым дагълары хакъкъында койлю
не бильмек керек. [О лесничестве].-
Акъмесджит: Къырым Девлет нешрияты.-
1927.- 52 с.
Багъчеван
Р. Физика китабы. 5-нджи сыныф ичюн.-
Акъмесджит: Къырым Девлет нешрияты.-
1927.- 255 с.
Богдан
П. Захиренинъ кярлы невлери. [О выгодных
сортах хлебов]. Ресимли нешир.- Акъмесджит:
Къырым Девлет нешрияты.- 1927.- 51 с.
Большаков.
Эв хайванларынынъ юкъунчлы хасталыкълары
хакъкъында не бильмек керек ве онлар
иле насыл курешмели. [Что надо знать о
заразных болезнях домашнего скота и
как с ними бороться].- Акъмесджит: Къырым
Халкъ Топракъ Ишлери Комиссарлыгъы
байтар (ветеринар) шубеси.- 1927.- 24 с.
Давыдов
П. Къарачыкъ-кюе иле куреш ишинде
кокташ ве формалин къулланманынъ усулы.
[Способ применения медного купороса и
формалина в борьбе с головней].- Акъмесджит:
Къырым Девлет нешрияты.- 1927.
Елховский
Е. Эв къушларыны асрав ве етиштирюв
усулы. [Содержание и разведение домашней
птицы].- Акъмесджит: Къырым Хукюмет
нешрияты.- 1927.- 57 с.
Озенбашлы
А. Спиртли ичкилернинъ инсанлара
зарары. [Какой вред причиняют людям
спиртные напитки].- Акъмесджит: Къырым
Хукюмет нешрияты.- 1927.- 26 с.
Иванов
А.А. Юзюм шарабы япмакъ усуллары.
[Способы виноделия]. (Мютерджими: А.Н.).-
Акъмесджит: Къырым Хукюмет нешрияты.-
1927.- 69 с.
Клепенин
Н. Экин девирлери ве джем осюмликлери.
[Севооборот и кормовые растения].
(Мютерджими: А.Н.).- Акъмесджит: Къырым
Девлет нешрияты.- 1927.- 35 с.
Левин
Р.С. Ал кольмек яхут къызылджа.
[Скарлатина]. (Мютерджими: С.Х. Чапчакъчы).-
Акъмесджит: Къырым Хукюмет нешрияты.-
1927.- 39 с.
Левин
Р.С. Грипп яхут инфлюэнца хасталыгъы.
(Мютерджими: С.Х. Чапчакъчы).- Акъмесджит:
Къырым Хукюмет нешрияты: 1927.- 33 с.
Левин
Р.С. Чичек хасталыгъы. [Оспа]. (Мютерджими:
С.Х. Чапчакъчы).- Акъмесджит: Къырым
Девлет нешрияты.- 1927.- 29 с.
Солонин
С. Къызыл немсе туварлары. [Красный
немецкий скот]. (Мютерджими: А. Куркчи).-
Акъмесджит: Къырым Девлет нешрияты.-
1927.- 37 с.
Мухитдинов
Б. Юкъунчлы маразлар ве онларын
себеплери. [Заразные болезни и причины
заболевания ими].- Акъмесджит: Къырым
Хукюмет нешрияты.- 1927.- 61 с.
Двойченко
П. Къырымда 1927 сенесининъ зельзелелери.
Зельзеле неден ола ве ондан насыл
сакъланмакъ керек. [Природа землетрясений
и техника безопасности].- Акъмесджит:
Къырым Девлет нешрияты.- 1928.- 80 с.
Гарт.
Трахома ве онынъ иле куреш. (Мютерджими:
доктор С.Х. Чапчакъчы).- Акъмесджит:
Къырым Девлет нешрияты.- 1928.- 35 с.
Къазая
огъраяна вериледжек биринджи ярдым.
Эким келинджее къадар. [Первая медицинская
помощь пострадавшим. До прибытия врача].
(Мютерджими: М. Бекиров).- Акъмесджит:
Къырым Девлет нешрияты.- 1928.- 46 с.
Омеров
Б. Къой асрав иши хакъкъында. [Об
овцеводстве].- Акъмесджит: Къырым Девлет
нешрияты.- 1928.- 39 с.
Тимофеева
А. Койлю хозяйствосында балкъуртчылыкъ.
[Пчеловодство в крестьянском хозяйстве].
(Мютерджими: Ю. Аблямитов).- Акъмесджит:
Къырым Девлет нешрияты.- 1928.- 86 с.
Иванов
Г.И. СССР-нинъ мухтасар географиясы.
[Краткий курс географии СССР]. (Мютерджими:
Амет Рашид).- Акъмесджит: Къырым Девлет
нешрияты.- 1929.- 164 с.
Багъчеван
Р. Физика китабы. 6-нджы сыныф ичюн.-
Акъмесджит: Къырым Девлет нешрияты.-
1929.- 192 с.
Альбищев.
Телеграф ве радио. (Ресимли. Мютерджими:
А. Куркчи).- Акъмесджит: Къырым Девлет
нешрияты.- 1929.- 48 с.
Берг
М. ве диг. Риязият иш китабы. [Математика].
6-нджы групларгъа махсус. (Мютерджими:
Якъуп Аблямит).- Акъмесджит: Къырымдевнешир.-
1929.- 160 с.
Берг
М. ве диг. Риязият иш китабы. [Математика].
7-нджи групларгъа махсус. (Мютерджими:
Якъуп Аблямит).- Акъмесджит: Къырымдевнешир.-
1929.- 184 с.
Бессон
Е. Беден тербиеси оюнлары. [Игры по
физической культуре]. Ресимли нешир.
(Мютерджими: В. Абилев).- Акъмесджит:
Къырым Девлет нешрияты.- 1929.- 42 с.
Гремяцкий
М. Кок гурьлемеси, йылдырым ве электрик.
[Гром, молния и электричество]. Ресимли
нешир. (Мютерджими: Б. Умеров).- Акъмесджит:
Къырым Девлет нешрияты.- 1929.- 48 с.
Грацианский.
5-нджи груплар ичюн риязият иш китабы.
[Математика для 5 классов]. (Мютерджими:
А. Куркчи).- Акъмесджит: Къырым Девлет
нешрияты.- 1929.- 176 с.
Йыртыджы
хайванлар. [Хищники]. (Ресимли нешир).-
Акъмесджит: Къырым Девлет нешрияты.-
1929.- 10 с.
Къушлар.
[Птицы]. (Ресимли нешир).- Акъмесджит:
Къырым Девлет нешрияты.- 1929.- 10 с.
Лебедев
Н.К. Ер насыл мейдангъа кельген ве
къач яшындадыр. [Образование и возраст
Земли]. (Мютерджими: А. Алим).- Акъмесджит:
Къырым Девлет нешрияты. 1929.- 40 с.
Лебедев
П.П. Химия иш китабы. 5 – 6 сыныфлар
ичюн. (Мютерджими: А. Шумин).- Акъмесджит:
Къырым Девлет нешрияты.- 1929.- 136 с.
Мериакри
Ф.И. ве диг. Физика. 7-нджи сыныфларгъа
махсус. (Электрик, Сес, Зия, Харекет ве
Къувветлер). [Физика. Электричество,
Звук, Луч, Движение и Сила]. (Мютерджими:
Аббас Ильмий).- 1929.- 130 с.
Солонин
С. Юн вериджи къоюнларны бакъыш. [Уход
за шерстными овцами]. (Мютерджими: Амит
Лятиф-заде).- Акъмесджит: Къырым Девлет
нешрияты.- 1929.- 35 с.
Иванов
А.А. Багъджылыкъ. [Садоводство].-
Акъмесджит: Къырым Девлет нешрияты.-
1930.- 80 с.
Сербина
Е. Урлукъларны мухафаза этинъиз.
[Хранение семян].- Акъмесджит: Къырым
Девлет нешрияты.- 1930.- 8 с.
Куркчи
У. Аборт ве онынъ къадынгъа тесири.
[Аборт и его влияние на здоровье женщины].-
Акъмесджит: Къырым Девлет нешрияты.-
1930.- 26 с.
Гранина
И. Маден хакъкъында хикяелер. Чёюн,
челик, демир. [Рассказы о металле. Чугун,
сталь, железо].- Акъмесджит: Къырым Девлет
нешрияты.- 1931.- 73 с.
Берман
Л. Авто ве ёл. Буюк балалар ичюн. Ресимли
нешир.- Акъмесджит: Къырым Девлет
нешрияты.- 1932.- 55 с.
Ильин
М. Машиналар. [Машины].- Акъмесджит:
Къырым Девлет нешрияты.- 1932.- 28 с.
Тулков
А.Н. Трактористке ярдымджы. [В помощь
трактористу]. (Мютерджими: А. Куркчи).-
Акъмесджит: Къырым Девлет нешрияты.-
1933.- 53 с.
Русча-къырымтатарджа
терминлер джыйынтыгъы: 1. Математика,
2. Физика, 3. Химия, 4. География, 5. Геология,
6. Биология, 7. Ботаника, 8. Зоология, 9.
Инсаннынъ анатомия ве физиологиясы.-
Акъмесджит: Къырым Девлет нешрияты.-
1934.- 199 с.
Ибраимов
И. Русско-татарские термины по
математике.- Симферополь: Крымгосиздат.-
1936.- 27 с.
Мамбетов
А. Русско-татарский терминологический
словарь по химии.- Симферополь:
Крымгосиздат.- 1936.- 99 с.
Мамин
Абибулла. Русско-татарский
терминологический словарь по физической
географии.- Симферополь: Крымгосиздат.-
1936.- 44 с.
Мамин
Абибулла., Потапов С.С. Русско-татарские
термины по физике.- Симферополь:
Крымгосиздат.- 1936.- 52 с.
Мамин
Абибулла., Фаизов К.У. Физика терминлери
лугъаты.- Акъмесджит: Къырым Девлет
нешрияты.- 1941.- 50 с.
Верховский
ве диг. Органик химия. 10-нджы сыныф
ичюн махсус. (Мютерджими: А. Мамбетов).-
Акъмесджит: Къырым Девлет нешрияты.-
1937.- 207 с.
Баранский
Н.Н. СССР-нинъ физикий географиясы.
7-нджи сыныф ичюн. Ресимли китап.-
Акъмесджит: Къырым Девлет нешрияты.-
1938.- 142 с.
Иванов
Г.И. Дюнья къысымларынынъ ве мухим
мемлекетлернинъ географиясы. [География
частей света и значимых стран].- Акъмесджит:
Къырым Девлет нешрияты.- 1938.- 292 с.
Алиев
А. (Мютерджим). Башлангъыч мектеп ичюн
программалар. Арифметика. Тарих.
Джогърафия. Табиат.- Акъмесджит: Къырым
Девлет нешрияты.- 1938.- 88 с.
Барков
А.С., Половинкин А.А. Физикий география.
5-нджи сыныф ичюн. (Мютерджими: А. Мамин).-
Акъмесджит: Къырым Девлет нешрияты.-
1938.- 170 с.
Всесвятский
Б.В. Ботаника. 5 – 6 сыныфлар ичюн.
(Мютерджими: А. Куркчи, терджименинъ
месуль мухаррири О. Зейтуллаев).-
Акъмесджит: Къырым Девлет нешрияты.-
1938.- 231 с.
Кабанов
А.Н., Цузмер М.Я. Инсаннынъ анатомия
ве физиологиясы. 8-нджи сыныф ичюн.
(Мютерджими: М. Мумджы).- Акъмесджит:
Къырым Девлет нешрияты.- 1938.- 220 с.
Рыбкин
Н. Тригонометрия. Орта мектепнинъ 9
ве 10 сыныфлары ичюн дерслик. (Мютерджими:
М. Усеинов).- Акъмесджит: Къырым Девлет
нешрияты.- 1938.- 119 с.
Шапошников
Н.А., Вольцов Н.К. Алгебра меселелери
джыйынтыгъы. 1-нджи къысым. [Сборник
задач по алгебре. Часть 1]. 6 – 8 сыныфлар
ичюн. (Мютерджими: Н. Мемишев).- Акъмесджит:
Къырым Девлет нешрияты.- 1938.- 162 с.
Шапошников
Н.А., Вольцов Н.К. Алгебра меселелери
джыйынтыгъы. 2-нджи къысым. [Сборник
задач по алгебре. Часть 2]. 8 – 10 сыныфлар
ичюн. (Мютерджими: А. Алиев).- Акъмесджит:
Къырым Девлет нешрияты.- 1939.- 142 с.
Бельский
А. Козьлерни къорчаламакъ керек. [Как
сберечь зрение]. (Мютерджими: Я. Куркчи).
Къырым АССР Сагълыксакълав Халкъ
Комиссариаты.- Акъмесджит: Къырым Девлет
нешрияты.- 1939.- 18 с.
Верховский
В.Н. Химия. 7-нджи сыныф ичюн дерслик.
(Мютерджими: А. Мамбетов). Ресимли нешир.-
Акъмесджит: Къырым Девлет нешрияты.-
1939.- 166 с.
Волкова
К.А. ве диг. Физика меселелери
джыйынтыгъы. [Сборник задач по физике].
8 – 10 сыныфлар ичюн. (Мютерджими: О.
Зейнединова). Ресимли нешир.- Акъмесджит:
Къырым Девлет нешрияты.- 1939.- 192 с.
Глаголев
Н.А. Геометрия. 2-нджи къысым: Стереометрия
9-10 сыныфлар ичюн.- Акъмесджит: Къырым
Девлет нешрияты.- 1939.- 124 с.
Гольдфарб
Я.Л. Органик химия. 10-нджы сыныф ичюн.-
Акъмесджит: Къырым Девлет нешрияты.-
1939.- 208 с.
Данов
Г.А., Левицкий С.М. Къырымда баразналарнен
суварув техникасы. [Техника полива в
Крыму]. Къырым теджрибе-мелиорация
станциясы. Ресимли нешир.- Акъмесджит:
Къырым Девлет нешрияты.- 1939.- 50 с.
Кауфман
В.Н. Памукъ сачув ве ишлевни
механизмлештирюв. [Механизация посева
и обработки хлопчатника].- Акъмесджит:
Къырым Девлет нешрияты.- 1939.- 30 с.
Кисилев
А.П. Алгебра. 1-нджи къысым. 6 – 8 сыныфлар
ичюн.- Акъмесджит: Къырым Девлет нешрияты.-
1939.- 151 с.
Кисилев
А.П. Алгебра. 2-нджи къысым. 8 – 10 сыныфлар
ичюн.- Акъмесджит: Къырым Девлет нешрияты.-
1939.- 249 с.
Кисилев
А.П. Геометрия. 1-нджи къысым. Планиметрия.
6 – 9 сыныфлар ичюн.- Акъмесджит: Къырым
Девлет нешрияты.- 1939.- 232 с.
Кисилев
А.П. Геометрия. 2-нджи къысым. Стереометрия.
9 – 10 сыныфлар ичюн.- Акъмесджит: Къырым
Девлет нешрияты.- 1939.- 123 с.
Потемкин
М.П., Малинко В.В. Минералогия ве
геология. Орта мектепнинъ 10-нджы сынфы
ичюн дерслик. (Месуль мухаррир Я.С.
Куркчи). Ресимли нешир.- Акъмесджит:
Къырым Девлет нешрияты.- 1939.- 200 с.
Соколов
И.И. Физика курсу. 1-нджи къысым.
Механика. 8-нджи сыныфлар ичюн. (Мютерджими:
А. Алиев).- Акъмесджит: Къырым Девлет
нешрияты.- 1939.- 252 с.
Соколов
И.И. Физика курсу. 2-нджи къысым.
Тельгенюв ве далгъалар. Сыджакълыкъ.
9-нджы сыныфлар ичюн. (Мютерджими: Я.С.
Куркчи).- Акъмесджит: Къырым Девлет
нешрияты.- 1939.- 214 с.
Соколов
И.И. Физика курсу. 3-нджи къысым.
Электрик. Оптика. 10-нджы сыныфлар ичюн.
(Мютерджими: Абдулла Мамин).- Акъмесджит:
Къырым Девлет нешрияты.- 1940.- 319 с.
Цузмер
М.Я. Зоология. 6 – 7 сыныфлар ичюн.-
Акъмесджит: Къырым Девлет нешрияты.-
1941.- 294 с.
Бахтишаев
А., Бляхер Л. Биология терминлери
лугъаты. А.С. Пушкин адына Къырым тиль
ве эдебият институты.- Акъмесджит: Къырым
Девлет нешрияты.- 1941.- 46 с.
Ем
фондуны тешкилятландырув ве эмен
йипек къуртуны беслев техникасы боюнджа
инструкция. [Инструкция по организации
кормового фонда и т
| 